Blogger : Mobile View என்றால் என்ன? அது ஏன் அவசியம் ?

வலைப்பூ வைத்திருக்கும் ஒவ்வொருவருக்கும் இருக்கும் சந்தேகங்களில் இதுவும் ஒன்று. Template பக்கத்தில் Mobile View என்று ஒன்று உள்ளதே, அதை என்ன செய்ய வேண்டும் என நினைப்பதுண்டு அதைப் பற்றி இன்றைய பதிவில் விரிவாக காண்போம். 

Smartphone, Tablet என்று பெருகிவிட்ட இன்றைய நாளில் நிறைய பேர் நம் வலைப்பூவை அவைகளில் படிக்க ஆரம்பித்து விட்டனர். நாம் கணினியில் படிக்கும்படி நமது Template-ஐ வடிவமைத்து இருப்போம், ஆனால் அதில் நிறைய  மொபைலில் படிக்க/பார்க்க முடியாது, எனவே மொபைல் போனில் இருந்து படிப்பவர்களுக்கு நம் வலைப்பூ எப்படி இருக்க வேண்டும் என்பதை நாம் தான் தீர்மானிக்க வேண்டும். 

பழைய பிளாக்கர் இன்டெர்பேஸ் என்றால் Settings >> email & mobile என்பதற்கு செல்லுங்கள்.

புதிய பிளாக்கர் இன்டெர்பேஸ் : Blogger >> Template இதில் சென்றால் உங்களுக்கு "Mobile" என்பது இருக்கும்.  அதில் கீழே உள்ளது போல இருந்தால் உங்கள் வலைப்பூவை மொபைல் போனில் படிக்க முடியாது. 

இப்போது கீழே உள்ள Settings Icon மீது கிளிக் செய்யுங்கள்.  வரும் புதிய விண்டோவில் "Yes. Show mobile template on mobile devices." என்பதை கிளிக் செய்யுங்கள். இப்போது கீழே உள்ளது போல வரும். 

இதில் Default என்று உள்ளதை உங்கள் விருப்பத்துக்கு ஏற்ப மாற்றிக் கொள்ளலாம். அதில் ஏற்கனவே உள்ள 7 வகையான Template-களை பயன்படுத்த முடியும். கடைசியாக உள்ள Custom என்பது நீங்கள் பிளாக்கரில் வைத்து இருக்கும் Template ஆகும். 

குறிப்பிட்ட ஒன்றை தெரிவு செய்து Prview என்பதன் மீது கிளிக் செய்தால் குட்டி விண்டோவில் உங்கள் வலைப்பூ மொபைலில் எப்படி இருக்கும் என்பது காட்டப்படும். 

வேறு தளத்தில் இருந்து Download செய்த Template-களை பயன்படுத்தும் நண்பர்கள் Custom என்பதை தெரிவு செய்யக் கூடாது. அந்த Template-கள் மொபைலில் படிக்கும் போது சரியாக தெரியாது, படிக்க முடியாது. இதனால் மொபைலில் படிக்க விரும்பும் வாசகர்களை நீங்கள் இழக்க நேரிடலாம். 

ஏற்கனவே பிளாக்கரில் உள்ள Template-ஐ பயன்படுத்துகிறீர்கள் என்றால் அதே பெயருள்ள Template-ஐ நீங்கள் தெரிவு செய்து கொள்ளலாம், அல்லது Custom என்பதை தெரிவு செய்து கொள்ளலாம். 

மொபைலில் படிக்கும் போது Sidebar எதுவும் தெரியாது. ஆனால் உங்கள் பதிவு அவர்களுக்கு தெளிவாய் படிக்கும் வண்ணம் இருக்கும். 

கற்போம் தளம் Android Mobile-லில் 

  

Post Title

Post

இதை மேலே சொன்ன Preview என்பதை கிளிக் செய்வதன் மூலம் உங்கள் கணினியிலேயே நீங்கள் பார்க்க முடியும். மொபைல்களில் உங்கள் வலைப்பூ எப்படி தெரிகிறது என்று இன்று பார்த்து தெரிந்து கொள்ளுங்கள்.

- பிரபு கிருஷ்ணா