பதிவர்கள் கட்டாயம் செய்ய வேண்டிய 10 விஷயங்கள்

ஒரு பதிவரின் கடமை என்பது வெறும் வலைப்பூ தொடங்கி அதில் எழுதுவது மட்டும் அல்ல. தன்னுடைய வலைப்பூவை படிக்க வரும் வாசகர்கள் தொடர்ந்து வந்து படிக்கும் படி அமைக்க வேண்டும்.  என்னென்ன செய்ய வேண்டும் என்று பார்ப்போம்.

1. Email Subscription Box

எல்லா பதிவர்களும் குறிப்பாக தொழில்நுட்ப பதிவர்கள் மற்றும் தகவல்களை பகிரும் வலைப்பூ உள்ளவர்கள் கட்டாயம் வைத்து இருக்க வேண்டிய Widget இது. பிளாக்கரில் இருக்கும் Follower widget வைப்பதை விட இது முக்கியம். கூகுள் போன்ற தேடுதல் தளத்தில் இருந்து வாசகர்கள் வரும் போது தொடர்ந்து உங்கள் பதிவுகளை படிக்க அவர்கள் உங்கள் வலைப்பூவை தொடரும் ஒரே வழி இது தான் என்பதை நினைவில் கொள்ளவும். 

சொல்லப்போனால் பதிவர்கள் பலரும் கூட டாஷ்போர்டில் இருந்து வந்து படிக்க முடியாமல் போக முடியும், ஆனால் இது ஈமெயில்க்கு செல்வதால் கட்டாயம் படிக்க இயலும். 

இதற்கு உதவுவது தான் Feedburner - Feedburner என்றால் என்ன? அதன் மூலம் வலைப்பூ வாசகர்கள் எண்ணிக்கையை அதிகரிப்பது எப்படி?

2. Popular Posts 

இரண்டாவதாக கட்டாயம் இருக்க வேண்டிய Widget இது. உங்கள் பிரபலமான பதிவுதான் உங்களின் சிறந்த பதிவுகள் எவை என்பதை வாசகர்களுக்கு சொல்லும். பெரும்பாலனோர் தேவை என்ன என்பதை எழுதும் உங்களுக்கும் புரிய வைக்கும். 

இதை நேரடியாக Add Gadget பகுதியில் இருந்து வைக்க முடியும். 

3. திரட்டிகள் அல்லது சோசியல் ஷேரிங் 

உங்கள் பதிவுகளை பிரபலமாக்கும் முக்கிய வழியே இது தான். தமிழ் பதிவர்களுக்கு திரட்டிகள் உட்பட பேஸ்புக், ட்விட்டர், கூகுள் பிளஸ் போன்றவை கட்டாயம் உங்கள் பதிவுக்கு கீழே அல்லது மேலே இருத்தல் அவசியம். அவற்றை ஒரே வரிசையில் வைத்து இருப்பதும் அவசியம். 

எப்படி ஒரே வரிசையில் அமைக்க என்று அறிய - திரட்டிகளின் ஓட்டுப் பட்டைகளை ஒரே வரிசையில் அமைப்பது எப்படி?

4. Search This Blog

இதை நிறைய வலைப்பூக்களில் காண முடியாது. உங்கள் பதிவை தொடர்ந்து படிக்கும் ஒருவர், நீங்கள் எழுதிய  குறிப்பிட்ட பதிவை தேட விரும்பும் போது Archive பகுதியில் பார்த்துக் கொண்டிருக்க இயலாது. இந்த Widget வைப்பதன் மூலம் இதை எளிதாக அவர் செய்யலாம். 

அத்தோடு கூகுள் போன்ற தேடுதல் தளங்கள் சில நேரங்களில் மிகச் சரியான பக்கத்துக்கு கொண்டு செல்வதில்லை மாறாக முகப்பு பக்கம் அல்லது லேபில், Archive போன்றவற்றுக்கு வாசகரை அழைத்து வரும். அந்த நேரங்களில் உங்கள் வலைப்பூவுக்குள் தேட இது கட்டாயம் அவசியம். 

இதை நேரடியாக Add Gadget பகுதியில் இருந்து வைக்க முடியும். 

5. External Links in New Tab

பதிவுகளை எழுதும் போது வேறு தளத்தின் லிங்க்களை பதிவுக்குள் பயன்படுத்த நேரிடலாம். அப்போது படிப்பவர் அதை கிளிக் செய்தால் நம் தளத்தை விட்டு வெளியே சென்று விட வாய்ப்பு அதிகம். அதனால் லிங்க் கொடுக்கும் போது "Open this link in a new window" என்பதை கிளிக் செய்து விடலாம்.

சில கோடிங்ஸ் உங்களின் எல்லா இணைப்புகளையும் புதிய Tab- இல் திறக்கும். உங்கள் வலைப்பூவில் எங்கே கிளிக் செய்தாலும் இது நடக்கும். இது உங்கள் வாசகர்களுக்கு எரிச்சலை தரும். இதை தவிர்த்து  External Link மட்டும் புதிய Tab-இல் Open ஆகும் படி தர வேண்டும்.

Sidebar போன்றவற்றில் External Link தந்தால் இதை பயன்படுத்த முடியாது. எப்போதும் External Link -கள் புதிய Tab-இல் ஓபன் ஆக External Link மட்டும் New Tab இல் ஓபன் ஆக என்ற பதிவின் படி செய்யவும். 

6. Related Posts 

உங்கள் பதிவை படித்து முடித்த உடன் அது தொடர்பான பதிவுகளை படிக்க உங்கள் வாசகர் விரும்பலாம், அது போன்ற சமயத்தில் அவரால் தொடர்புடைய பதிவுகளை தேடிக் கொண்டிருக்க இயலாது. பதிவுக்கு கீழே இதை சேர்ப்பதன் மூலம் தொடர்புடைய பதிவுகளை எளிதாக காட்டலாம். 

இதை சேர்க்க - பிளாக்கர்க்கு மிக எளிமையான Related Posts Widget சேர்ப்பது எப்படி?

7. Comment Box & Comments 

கமெண்ட்களுக்கு Word Verification உள்ளது என்பது நிறைய புதிய பதிவர்களுக்கு தெரியாது. பின்னூட்டம் இடவரும் வாசகர் இதை விரும்ப மாட்டார். இதை நீக்க Settings >> Post and Comments >> Show word verification இதற்கு No என்று தர வேண்டும். [நன்றி - ராம்ஜி யாஹூ]

பின்னூட்டங்களை மட்டறுத்தல் (Comment Moderation) என்பது இதில் மிக முக்கியம். இதை வைப்பதை கட்டாயம் என்று தான் நான் சொல்வேன். இதை இரண்டு வகையாக வைக்கலாம். ஒன்று "Always", இதனால் எப்போது கமெண்ட் போட்டாலும் நீங்கள் அனுமதித்த பின்தான் Publish ஆகும். இன்னொன்று "Sometimes",  இதில் இரண்டு என்று கொடுத்தால், பதிவு எழுதி இரண்டு நாளுக்கு பின் அதில் பின்னூட்டம் இட்டால் அவை பப்ளிஷ் ஆகாமல் மட்டறுத்தலுக்கு வந்து விடும். இதில் உங்கள் வசதியை பொறுத்து தரவும். இதன் மூலம் ஸ்பாம் போன்றவற்றை தவிர்க்கலாம்.  

அத்தோடு  Comment Box-ஐ  எல்லோரும் வைத்து இருந்தாலும் எங்கே வைப்பது என்பதில் நிறைய பேருக்கு குழப்பம் உள்ளது. மூன்று வகையான இடங்களில் இதை வைக்கலாம் என்ற போதும் இரண்டை மட்டும் தெரிவு செய்வது நலம். Embedded, Pop-up Window என்ற இரண்டும் தான் அது. இதனால் கமெண்ட் செய்த பின்னும் படிப்பவர் உங்கள் தளத்திலேயே இருப்பார். 

அத்தோடு யாரேனும் சந்தேகம் அல்லது வேறு கேள்விகள் போன்றவற்றை கேட்கும் போது அவற்றை கவனித்து பதில் அளித்தல் அவசியம். புதிய பதிவுகளுக்கு இவை எளிதென்றாலும் பழையதுக்கு இதை செய்ய Moderation அவசியம். 

8. Mobile View 

நிறைய வாசகர்கள் இப்போது அலைபேசியில் இருந்து படிக்க தொடங்கி விட்டதால் அதில் உங்கள் வலைப்பூ எப்படி தோன்றுகிறது என்பதை தீர்மானிக்க வேண்டும். பிளாக்கரில் Template பகுதில் Mobile என்பதில் இதை நீங்கள் தீர்மானிக்கலாம்.

இது குறித்த விரிவான பதிவு இங்கே - Blogger : Mobile View என்றால் என்ன? அது ஏன் அவசியம்

9. Post Editing 

பதிவு எழுதும் போது சில விசயங்களை நாம் கட்டாயம் கவனிக்க வேண்டும். மிக முக்கியமாக Alignment என்னும் வசதி. பதிவு எழுதும் போது நேர்த்தியாக மாற்ற இது உதவுகிறது. அதே போல Bold, Italic, Underline, List, Quote போன்றவற்றையும் பயன்படுத்த வேண்டும். 

10. செய்யகூடாத விஷயங்கள் 

செய்ய வேண்டும் என்ற பதிவில் கட்டாயம் நான் சொல்ல வேண்டியது இது. இதை ஒரு தனிபதிவாக சில மாதங்களுக்கு முன்பு எழுதி இருந்தேன். ஒரு வலைப்பூ படிப்பவருக்கு ஏற்றதாக இருக்க வேண்டும் என்றால் என்ன செய்ய வேண்டும் என்று அதில் எழுதி உள்ளேன் - பதிவர்கள் செய்யும் பத்து தவறுகள்

இவை தவிர வேறு ஏதேனும் உங்கள் பார்வையில் கட்டாயம் என்று நினைத்தால் பின்னூட்டத்தில் சொல்லுங்கள். 

தமிழ்மணத்தில் இந்த வாரம் நான் நட்சத்திர பதிவர். பல பதிவுலக ஜாம்பவான்கள் எழுதிய ஒன்றை நானும் எழுதுகிறேன் என்று நினைக்கும் போது மிக மகிழ்ச்சியாக உள்ளது.  கற்போம் தளத்தின் வாசகர்கள் அனைவரின் ஆதரவு தான் இதற்கு காரணம். அனைவருக்கும் மிக்க நன்றி. 

- பிரபு கிருஷ்ணா